ਦਿਲ ਕਰੇ ਤਾਂ ਮਿਲ ਜਾਵੀਂ-ਅਮਰਜੀਤ ਟਾਂਡਾ
ਦਿਲ ਕਰੇ ਤਾਂ ਮਿਲ ਜਾਵੀਂ-
ਰਾਹ ਲੱਭੇ ਤਾਂ ਰੁਕੀਂ ਨਾ-
ਦਿਲ ਕਰੇ ਤਾਂ ਮਿਲ ਜਾਵੀਂ-
ਰਾਹ ਲੱਭੇ ਤਾਂ ਰੁਕੀਂ ਨਾ-
ਦੇਖੀਂ ਕਿਤੇ
ਕਦਮਾਂ ਚ ਬੇਗੁਨਾਹ ਮਿਲਣ ਨਾ ਮਰ ਜਾਵੇ-
ਅੱਧਮੋਈਆਂ ਯਾਦਾਂ ਦੀਆਂ ਰਹਿ ਗਈਆਂ ਕਿਰਚਾਂ
ਤੀਰਾਂ ਨਾਲੋਂ ਵੀ ਤਿੱਖੀਆਂ ਹੁੰਦੀਆਂ ਨੇ-
ਧਰਤੀ ਦਾ ਟੋਟਾ
ਜੋ ਸਾਗਰ ਦੀ ਹਿੱਕ ਚ ਨਹੀਂ ਸੀ ਉਤਰਿਆ
ਕਈ ਆਸਾਂ ਲੈ ਕੇ ਮਰ ਗਿਆ ਸੀ-
ਝੱਖੜ ਆ ਜਾਂਦੇ ਨੇ ਝੁੱਗੀਆਂ ਚ
ਜਦ ਕੋਈ ਉਹਨਾਂ ਦੀ ਚੀਸ ਨਹੀਂ ਸੁਣਦਾ
ਕਿਹੜੇ ਕੰਮ ਤੇਰੀ ਮਟਕਦੀ ਟੋਰ
ਧੁਖ਼ਦੇ ਅੰਗਿਆਰ
ਨਾ ਹੀ ਕੋਈ ਚੰਦ ਨਗਮਾਂ ਹੈ -ਤੇਰਾ ਨਖ਼ਰਾ
ਜੋ ਅੱਜ ਤੇਰੇ ਹਿੱਕੀਂ ਫੁੱਲ ਖਿੜ੍ਹੇ ਹਨ
ਕੱਲ ਨੂੰ ਇਹਨਾਂ ਮੁਰਝਾਣਾ ਵੀ ਹੈ-
ਪਲਕਾਂ ਤੇ ਰਹਿ ਗਏ ਸੁਫ਼ਨਿਆਂ ਨੇ
ਖ਼ੁਰਨਾ ਵੀ ਹੈ-
ਓਦੋਂ ਕਿਸੇ ਨਹੀਂ ਕਹਿਣਾ ਕਿ
ਦਿਲ ਕਰੇ ਤਾਂ ਮਿਲ ਜਾਵੀਂ-
ਰਾਹ ਲੱਭੇ ਤਾਂ ਰੁਕੀਂ ਨਾ-
ਕਦਮਾਂ ਚ ਬੇਗੁਨਾਹ ਮਿਲਣ ਨਾ ਮਰ ਜਾਵੇ-
ਅੱਧਮੋਈਆਂ ਯਾਦਾਂ ਦੀਆਂ ਰਹਿ ਗਈਆਂ ਕਿਰਚਾਂ
ਤੀਰਾਂ ਨਾਲੋਂ ਵੀ ਤਿੱਖੀਆਂ ਹੁੰਦੀਆਂ ਨੇ-
ਧਰਤੀ ਦਾ ਟੋਟਾ
ਜੋ ਸਾਗਰ ਦੀ ਹਿੱਕ ਚ ਨਹੀਂ ਸੀ ਉਤਰਿਆ
ਕਈ ਆਸਾਂ ਲੈ ਕੇ ਮਰ ਗਿਆ ਸੀ-
ਝੱਖੜ ਆ ਜਾਂਦੇ ਨੇ ਝੁੱਗੀਆਂ ਚ
ਜਦ ਕੋਈ ਉਹਨਾਂ ਦੀ ਚੀਸ ਨਹੀਂ ਸੁਣਦਾ
ਕਿਹੜੇ ਕੰਮ ਤੇਰੀ ਮਟਕਦੀ ਟੋਰ
ਧੁਖ਼ਦੇ ਅੰਗਿਆਰ
ਨਾ ਹੀ ਕੋਈ ਚੰਦ ਨਗਮਾਂ ਹੈ -ਤੇਰਾ ਨਖ਼ਰਾ
ਜੋ ਅੱਜ ਤੇਰੇ ਹਿੱਕੀਂ ਫੁੱਲ ਖਿੜ੍ਹੇ ਹਨ
ਕੱਲ ਨੂੰ ਇਹਨਾਂ ਮੁਰਝਾਣਾ ਵੀ ਹੈ-
ਪਲਕਾਂ ਤੇ ਰਹਿ ਗਏ ਸੁਫ਼ਨਿਆਂ ਨੇ
ਖ਼ੁਰਨਾ ਵੀ ਹੈ-
ਓਦੋਂ ਕਿਸੇ ਨਹੀਂ ਕਹਿਣਾ ਕਿ
ਦਿਲ ਕਰੇ ਤਾਂ ਮਿਲ ਜਾਵੀਂ-
ਰਾਹ ਲੱਭੇ ਤਾਂ ਰੁਕੀਂ ਨਾ-
ਬਲਦੀਆਂ ਰੂਹਾਂ-ਅਮਰਜੀਤ ਟਾਂਡਾ
ਬਲਦੀਆਂ ਰੂਹਾਂ
ਅਸੀਂ ਤੇਰੇ ਰਾਹੀਂ
ਕਦੇ ਤਾਂ ਰੱਖ
ਘੁੱਟ 2 ਬਾਹੀਂ
ਧੁਖ਼ਦੀਆਂ ਲਾਟਾਂ
ਸਾਂਭੀਆਂ ਹਿੱਕੀਂ
ਕਦੇ ਕਹਾਣੀ
ਇਹਨਾਂ ਦੀ ਲਿਖੀਂ
ਨੈਣੀਂ ਸੁਫ਼ਨੇ
ਰਾਤੀਂ ਅੰਗੜਾਈਆਂ
ਬੁਝਣ ਨਾ ਇਹ
ਬਹੁਤ ਬੁਝਾਈਆਂ
ਅੰਬਾਂ ਤੇ ਬੂਰ
ਦਿਨ ਰਾਤ ਖਾਣ
ਕੋਇਲ ਦੇ ਬੋਲ
ਅੱਗ ਅੰਗੀਂ ਲਾਣ
ਬੰਸਰੀ ਸੁੱਤੀ
ਚੰਦ ਨੂੰ ਤੱਕਾਂ
ਤੂੰਹੀਂ ਦੱਸ
ਕਿੱਥੇ ਜ਼ਿੰਦ ਰੱਖਾਂ
ਸੂਹਾ ਚੂੜਾ
ਗੋਲ ਕਲਾਈਆਂ
ਕਿਸੇ ਨਾ ਆ
ਵੰਗਾਂ ਜਗਾਈਆਂ
ਕੰਚਨ ਪਿੰਡਾ
ਸਰਵਰੀਂ ਨਾਹਤੀ
ਇਹ ਨਾ ਠਰਦੇ
ਅੰਗਿਆਰ ਜੋ ਛਾਤੀ
ਸਾਂਭੀਆਂ ਹਿੱਕੀਂ
ਕਦੇ ਕਹਾਣੀ
ਇਹਨਾਂ ਦੀ ਲਿਖੀਂ
ਨੈਣੀਂ ਸੁਫ਼ਨੇ
ਰਾਤੀਂ ਅੰਗੜਾਈਆਂ
ਬੁਝਣ ਨਾ ਇਹ
ਬਹੁਤ ਬੁਝਾਈਆਂ
ਅੰਬਾਂ ਤੇ ਬੂਰ
ਦਿਨ ਰਾਤ ਖਾਣ
ਕੋਇਲ ਦੇ ਬੋਲ
ਅੱਗ ਅੰਗੀਂ ਲਾਣ
ਬੰਸਰੀ ਸੁੱਤੀ
ਚੰਦ ਨੂੰ ਤੱਕਾਂ
ਤੂੰਹੀਂ ਦੱਸ
ਕਿੱਥੇ ਜ਼ਿੰਦ ਰੱਖਾਂ
ਸੂਹਾ ਚੂੜਾ
ਗੋਲ ਕਲਾਈਆਂ
ਕਿਸੇ ਨਾ ਆ
ਵੰਗਾਂ ਜਗਾਈਆਂ
ਕੰਚਨ ਪਿੰਡਾ
ਸਰਵਰੀਂ ਨਾਹਤੀ
ਇਹ ਨਾ ਠਰਦੇ
ਅੰਗਿਆਰ ਜੋ ਛਾਤੀ
No comments:
Post a Comment